ان ظاهر الدنیا جمیل وباطنها مخیف لاتفکر بالی مرتاح او سعید لو یزلت ابدبچتی فوگ الرصیف انه سمچه ابحر مخدوعه ولوی الکاضه ابشص عود تاکل بلرغیف آنه مجروح ابجرح ماله التیام لچمت الفرگه وسط گلب الضعیف حرت صافن صفنت الفاگد ابوه گمت احتن مثل ورگات  الخریف بلیتم عایش بساعات الطلوگ صرت لاچن منظر الدنیه مخیف اضل کاظم غیظی للوادم وسیم لاچن اگبال الدهر واید نحیف الظلم والجور وانواع الفعال باقی ویانه لما یأتی اللطیف یوم نسمع للنداء من السماء جائکم بالحقی موعود الشریف   الشاعر حاتم خلیل العبادی

قال امام الصادق ع اَدَّبَنى اَبى بِثَلاثٍ ... ونَهانى عَن ثَلاثٍ : قالَ لى : يا بُنَىَّ مَن يَصحَب صاحِبَ السّوءِ لا يَسلَم وَ مَن لا يُقَـيِّد اَلفاظَهُ يَندَم ، وَ مَن يَدخُل مَداخِلَ السَّوءِ يُتَّهَم... وَ نَهانى اَن اُصاحِبَ حاسِدَ نِعمَةٍ وَ شامِتا بِمُصيبَةٍ ، اَو حامِلَ نَميمَةٍ ؛   ،،، ابثلاث اخصال ادبنی ابوی الباقر او منهن ثلاث انهانی   درس النه اموصی الصادق یگول والله هوه مدرست وجدانی   لاتصاحب سوء ماتسلم اکید اوخلی بلفاظک نطق انسانی   لاتطب ابکان مولایق علیک تتهم  والتهمه منهه اتعانی   آنه آخذ درس من هذه الکلام والحدیث ابهل شکل اوعانی   انه شفت انتم شرف والمفخره ولذا اختاریتکم صدقانی   الشاعر حاتم خلیل العبادی

قصیده بحق السیده فاطمه ع لسان حال امیر المومنین ع ،،،،،،،   انتی یا سلوة حیاتی ،،،، ابموتتچ یگرب مماتی فاطمه بس جاوبینی ،،،، اوداعت العندچ غلاتی ،،،،،،،، انتی نور الکون کله او غاب نورچ یالودیعه واحس مظلمه الدنیه ابموتتچ صارت فجیعه اتساقطن لنجوم اشوفن ضاجت اعلینه الوسیعه والگمر احمر ابلونه یبچی بس لجل الشفیعه الدنیه صارت مرعبه           لجلی واید متعبه ریت ویاها وفاتی          اوداعت العندچ غلاتی ،،،،،، اشلون انزلچ بالحد یاگلب یحمل هالمصاب الفرگه صعبه یالودیعه ماتهیل ایدی التراب انظر الکسرت اظلوعچ واذکر العصرو الباب حیف گیدتنی الوصیه فاطمه اوظلعچ انعاب راح اسوی چم گبر        حته یخفه هل امر واشکی للباری ابصلاتی        اوداعت العندچ غلاتی ،،،،، آنه یمچ بیدی ادفنچ وابني علرمله ابغربته ثلثت ایام اهوه عاری ماگرب واحد الجثته ذوله هما البایعونی خانو احسین ابنصرته ریت حاظر یوم عاشر واسچب الدمعه الدمعته انتی چنتی ابنصرتی      اشلون ابگه ابغربتی ماتت اویاچ امنیاتی     اوداعت العندچ غلاتی ،،،،،، عندی واحد ثار یاخذ حاوی اوصاف النبیه درعی لابس سیفی بیده اصله من الهاشمیه نور طاها ابنور وجهه واما فاطمة الزچیه راح یصلب عله النخله الجبت َوالطاغی سویه واضحه امبیننه اوصافه      الینظر الراسه واچتافه اعمامتی عنده اوعباتی       اوداعت العندچ غلاتی   الشاعر حاتم خلیل العبادی